"Барселона" ярим ҳимоячиси Дани Ольмо янги жамоасидаги дебютига тайёргарлик кўрмоқда.
26 ёшли футболчи ўтган ҳафта Германиянинг "РБ Лейпциг" клубидан каталонияликлар сафига қўшилди. Айни дамда “Барселона” Ольмони рўйхатдан ўтказа олмаган – испаниялик футболчи “Валенсия”га қарши (17 август) Ла Лиганинг 1-тур учрашувини ўтказиб юборади, дея хабар бермоқда журналист Хосе Альварес. Шу билан бирга, манба таъкидлаганидек, "кўк-анорранглилар"нинг янги юлдузи катта эҳтимол билан Бильбаонинг "Атлетик" жамоаси билан иккинчи давра учрашувида (24 август) майдонга тушади.
Дани Ольмонинг трансфери "Барселона"га бонусларни ҳисобга олмаганда 55 миллион еврога тушди.
