"Барселона" ҳужумчиси Витор Роке трансфер ойнаси ёпилгунга қадар сотиб юборилиши мумкин.
Лиссабоннинг “Спортинг” клуби “кўк-анорранглилар”нинг асосий таркибига кира олмаган бразилиялик футболчини ўз сафига қўшиб олиш имкониятини кўриб чиқмоқда. Португалия гранди ой охиригача 19 ёшли футболчи бўйича аниқ таклиф билан "Барселона"га мурожаат қилиши мумкин, деб хабар беради журналист Флориан Плеттенберг.
Рокега Англиянинг “Эвертон” клуби ҳам даъвогарлик қилмоқда – “ирис”лар 28 миллион евро тўлашга тайёр. Каталония гранди форвард учун 30-35 миллион евро талаб қилмоқда. Футболчи борасида якуний қарор ҳали қабул қилингани йўқ.
