"Линколн Сити"нинг собиқ ҳимоячиси Мозес Свайбу The Telegraph нашрига берган интервьюсида Премьер-лиганинг бир нечта ўйинчиларига ўйинни сотиш таклиф қилинганини айтди.
2014 йил январь ойида Свайбу келишувни уюштирганликда айбланган, натижада у 16 ойга қамоққа олинганди.
Қамоқдан чиққанидан сўнг, Свайбу Премьер-лигада маслаҳатчи мутахассис сифатида ишлай бошлади. Собиқ футболчи ҳозирги футболчилар билан келишилган ўйинлар мавзусида суҳбатлар ўтказди.
2015 ва 2019 йиллар оралиғида бўлиб ўтган ушбу суҳбатлар чоғида Премьер-лига клубларининг камида 5 нафар футболчиси Свайбуга ўзларига келишилган ўйинлар бўйича таклифлар бўлгани ҳақида хабар берган. Футболчиларнинг исмлари ошкор қилинмаяпти.
