"Манчестер Юнайтед" Англия Премьер-лигасининг биринчи турида "Фулхэм" билан учрашади.
"Қизил иблислар"нинг янги аъзоси Жошуа Зиркзеенинг ҳолати саволлар туғдирмоқда. Форвард Англия Суперкубоги учун "Манчестер Сити"га қарши ўйинни захира ўриндиғида ўтказган ва мавсумолди ўйинларида ҳам ҳеч қачон сафда бўлмаган.
“У аллақачон [қайтишга] яқин. У "Болонья"даги сўнгги ойларида жароҳат олган, кейин эса Нидерландия терма жамоасининг Евро учун қайдномасидан ўрин олган. Бу борада у мавсумолди ўйинларимизда қатнашмади, ўйин амалиёти етишмаяпти. Айни дамда бу унинг муаммоси", - дея тен Хагнинг сўзларини келтиради инсайдер Фабрицио Романо.
