"Аталанта" тез орада ўз сафига янги ярим ҳимоячини қўшиб олиши мумкин.
Журналист Фабрицио Романо берган хабарга кўра, клуб вакиллари "Удинезе" ярим ҳимоячиси Лазар Самарджичнинг агентлари билан учрашган. Томонлар ўртасидаги келишув анча яқин экани хабар қилинмоқда.
Манба, шунингдек, "Аталанта" Самарджич учун товон пули миқдорини келишиб олиш мақсадида "Удинезе" билан боғлангани ҳақида хабар берди. "Аталанта" тез орада Тён Коепмайнерсни Туриннинг "Ювентус" жамоасига сотгани учун 52 миллион евро ишлаб олади. Бу сумма клуб Самарджичнинг трансферини амалга оширишга ёрдам беради. 22 ёшли Лазар ўтган мавсум А Серияда 6 та гол урди ва 2 та голли узатмани амалга оширди.
