"Манчестер Юнайтед" Англия чемпионати янги мавсумини "Фулхэм" устидан қозонилган ғалаба билан бошлади - 1:0. Ўйиндан сўнг "қизил иблислар" бош мураббийи Эрик тен Хаг фикр билдирди.
“Ўйинчиларни алмаштириш ҳар доим муҳим. Биринчи ўйиндан захирадан майдонга тушиб, ғалаба голини урса жуда яхши. Захирадагилар ҳар доим тайёр бўлиши керак.
"Фулхэм"га қарши ўйнаш ҳар доим қийин, аммо биз жуда яхши ҳимояландик ва прессинг қилдик. Биз кўп вазиятлар яратдик ва олдинроқ гол уришимиз керак эди. Бу жамоага нисбатан ягона шикоят - реализация", - деди Тен Хаг Sky Sports нашрига берган интервьюсида.
