"МЮ" Лени Йоронинг оёғидаги муаммолардан хабардор эди, лекин барибир уни сотиб олди.
Июль ойида инглиз клуби 18 ёшли ҳимоячини "Лилл"дан 62+8 миллион еврога сотиб олганди.
Июль ойи охирида "Арсенал"га қарши ўтказилган ўртоқлик ўйинида "Манчестер Юнайтед" ҳимоячиси жароҳат олиб, оёғидаги суяги синганлиги сабабли уч ойга сафдан чиққан эди.
The Athletic нашри хабарига кўра, "манкунианликлар" ҳатто тиббий кўрик пайтида ҳам футболчининг суяги билан боғлиқ муаммолари ҳақида билиб олишган.
Аммо клуб шартнома имзолашдан манфаатдор эди, чунки Лени Йоро Европанинг энг истиқболли футболчиларидан бири ҳисобланади. "Манчестер Юнайтед" раҳбарлари 18 ёшли ҳимоячининг кейинги ўн йилликда жамоанинг энг яхши футболчиси бўлишига қатъий ишонч ҳосил қилишди.
