Матбуот анжуманининг иккинчи қисмида Миржалол Қосимов ва Олег Зотеев иштирок этишди.

— Аввало ассалому алейкум. Эртага биз учун муҳим ўйин кутиб турибди. Кейинги босқич масаласини ҳал қилишимиз керак. Албатта, енгил ўйин бўлмайди. Рақибларимизда босим йўқ, чунки плей-оффга чиқиш учун уларнинг имкониятлари қолмади. Уларнинг босимсиз ҳаракат қилиши эса бизга муаммолар туғдириши мумкин.

— Майдоннинг чими алмаштирилди. Унинг ҳолати қандай?
— Саккиз ойда битмаган майдон бир ҳафтада битиб қолиши амри маҳол. Жароҳатнинг битиши учун ҳам вақт керак. Майдоннинг ҳолати унча яхши эмас. Лекин бу баҳона бўла олмайди.

— Японларда босим йўқлиги бизга муаммо туғдириши мумкин. Бу ҳақда футболчиларга алоҳида кўрсатмалар берилдими? Уларнинг етакчиси Тошкентга келмагани ўйинга таъсир кўрсатиши мумкинми?
— «Поханг» билан ўйинда ҳам шундай дейишганди: уларнинг етакчиси келмади, ғалаба қозониш осон бўлади каби, лекин кўрдингиз осон бўлгани йўқ. Биз рақибга қараб эмас, рақиб бизга қараб ўйнасин.

— Таркибда йўқотишлар борми?
— Анвар Солиев, Баҳодир Пардаев, Саҳоб Жўраев.