"Бавария" бош мураббийи Венсан Компани ярим ҳимоячи Леон Горецка билан боғлиқ вазият ҳақида гапирди.
Эслатиб ўтамиз, футболчи Германия кубогидан ўрин олган "Ульм"га қарши ўйин учун қайдномага киритилмаган.
"Клуб сифатида биз ҳар доим ўйинчилар билан ҳалол бўлишни хоҳлаймиз, бу ҳақиқат. Биз буни оиламиз доирасида қиламиз. Биз очиқчасига ҳеч нарса айтишимиз шарт эмас" - деди Компани матбуот анжуманида.
"Арсенал" Горецкани мавсум охиригача ижарага олиши мумкинлиги ҳақида миш-мишлар тарқалди. Ярим ҳимоячининг ўзи аввалроқ "Бавария"да қолиб, асосий таркибдан жой олиш учун курашиш истагини билдирган, бироқ Леон бош мураббий Венсан Компани режаларига киритилмаган.
