Муҳаммад Салоҳ АПЛнинг ҳар бир биринчи турида голда иштирок этган.
“Ливерпуль” қанот ҳужумчиси “Ипсвич”га қарши (2:0) АПЛ 1-тур учрашувида гол урди ва голли узатмани амалга оширди.
2017/18 йилги мавсумдан бери Муҳаммад Салоҳ Премьер-лиганинг биринчи туридаги ўйинда камида битта самарали ҳаракатни амалга оширмоқда.
Салоҳ биринчи турда “гол+пас” бўйича ҳам АПЛ тарихидаги энг яхши футболчига айланди.
Мисрлик футболчи АПЛнинг дастлабки учрашувларида 14 та самарали ҳаракат қилган (9 гол ва 5 голли узатма). У бу борада Уэйн Рунидан (13) ўзиб кетди.
Салоҳ биринчи турларда урилган голлар бўйича ҳам пешқадам (9). У Алан Ширер, Фрэнк Лэмпард ва Рунини (барчаси 8 та) ортда қолдирди.
