"Барселона" учун ҳали ёзги трансфер кампанияси ҳали тугамаган. "Блауграналар" спорт директори Деку ва бош мураббий Ханс-Дитер Флик чап қанот ҳимоячиси ва таянч ярим ҳимоячи позицияларини кучайтириш имкониятларини кўриб чиқмоқда. Бу ҳақда Sport.es хабар бермоқда.
Манбага кўра, Каталония клуби "Тоттенхэм"нинг 27 ёшли ҳимоячиси Серхио Регилонга қизиқиш билдирмоқда. Таъкидланишича, "Барселона" яқин орада янги харидларни амалга ошириши мумкин.
9 август куни ҳужумкор ярим ҳимоячи Дани Ольмо "Барселона" футболчисига айланди.
Кеча, 17 август куни Ла Лиганинг 1-тури учрашувида Каталония клуби “Валенсия”ни 2:1 ҳисобида мағлуб этди. Польша терма жамоаси ҳужумчиси Роберт Левандовски дубль қайд этди.
