"Брентфорд" ва "Кристал Пэлас" жамоалари Англия Премьер-лигасининг 1-тур учрашуви доирасида ўзаро тўқнаш келди.
Ўйинда "Брентфорд" 2:1 ҳисобида ғалаба қозонди. Мезбонлар 29-дақиқада Браян Мбемонинг жарима майдончаси ичида тўпни қабул қилиб олиб, дарвозанинг чап бурчагига йўллаган аниқ зарбаси эвазига ҳисобни очишди.
Иккинчи бўлим, 57-дақиқада “Брентфорд” ҳимоячиси Этан Пиннок тўпни ўз дарвозасига йўллаб, ҳисобни тенглаштирди.
76-дақиқада Йоан Висса жарима майдончаси ичида тўпни эгаллаб олгандан сўнг дарвозанинг ўнг бурчагига пастдан зарба бериб, "арилар"га ғалаба келтирди.
Ўтган мавсумда жамоалар икки марта тўқнаш келишган: биринчи даврада “Брентфорд” ўз майдонида дуранг ўйнаган (1:1), иккинчисида “Кристал Пэлас” ўз майдонида ғалаба қозонган (3:1).
