«Реал Мадрид» Ла Лиганинг 1-турида «Мальорка»га қарши ўйинда ҳакамликдан ҳафсаласи пир бўлди.
Карло Анчелотти шогирдлари чемпионлик унвони ҳимоясини дуранг билан бошлади - 1:1. Клубнинг фикрича, муаммолардан бири ўз ишини яхши бажармаган ҳакам Сесар Сото Градо бўлди. "Diario AS" хабарига кўра, «Реал Мадрид»нинг расмий канали «Мальорка» билан ўйинда ҳакам хатоларга йўл қўйган эпизодлардан иборат видеорепортаж тайёрламоқда.
«Лос-Бланкос» сафидаги ягона голни 13-дақиқада Родриго киритди. Танаффусдан кўп ўтмай Ведат Мурики ҳисобни тенглаштирди. Учрашув якунида мадридликлар ҳимоячиси Ферлан Менди тўғридан-тўғри қизил карточка олди.
