«Рома» ҳужумчиси Пауло Дибаланинг хизматлари Италиянинг бошқа клубига таклиф қилинди.
Римликлар 30 ёшли футболчини юқори маоши туфайли сотишдан манфаатдор. Саудиянинг «Ал-Қодисия» клуби аргентиналик футболчини сотиб олишга тайёр, аммо форварднинг ўзи бу вариантга унчалик қизиқмаган кўринади.
"Corriere Della Sera" хабарига кўра, воситачилар аллақачон Дибаланинг «Интер»га номзодини таклиф қилишган. "Нерадзуррилар" ўз таркибини ёшартирмоқчи бўлгани учун трансфер бўлиши даргумон. Шунингдек, Италиянинг амалдаги чемпионлари футболчининг маош талабларини қондира олишмаса керак.
