"Челси" вингери Рахим Стерлинг трансфер ойнаси ёпилгунга қадар жамоани тарк этиши мумкин.
29 ёшли футболчи АПЛ 1-туридан ўрин олган "Манчестер Сити"га қарши ўйин учун қайдномага киритилмади, шундан сўнг инглизлар вакиллари клубга очиқчасига мурожаат қилиб, вазиятга ойдинлик киритишни талаб қилишди.
Стерлингнинг "Челси"даги келажаги ҳозирда ноаниқ кўринади, "Ювентус" ҳамон унга қизиқиш билдирмоқда, дейди инсайдер Жанлука Ди Марцио.
Туринликлар ёзги трансфер даври тугагунига қадар музокараларни бошлашлари мумкин, аммо келишувга эришиш футболчининг юқори маоши туфайли осон бўлмайди.
