«Реал Мадрид»нинг юлдуз ҳужумчиси Килиан Мбаппе «Мальорка»га қарши Испания чемпионати 1-тур учрашувидан сўнг машҳур теннисчи Рафаэль Надалга совға берди. Ижтимоий тармоқларда Мбаппе рюкзакдан футболка олиб, Надалга берган видеоси пайдо бўлди.
Эслатиб ўтамиз, Испания чемпионатининг очилиш туридан ўрин олган «Мальорка» – «Реал» учрашуви 1:1 ҳисобида дуранг билан якунланган эди. Бразилиялик ҳужумчи Родриго мадридликлар сафида рақиб дарвозасига гол урди.
«Реал» Испания Ла Лигасининг навбатдаги ўйинини 25 август, якшанба куни ўз майдонида «Вальядолид»га қарши ўтказади.
