Мадриднинг “Атлетико” клуби бошқарувчиси Диего Симеоне ҳужумчи Хулиан Альвареснинг ўйини ҳақида ўз фикрлари билан ўртоқлашди.
"Матрасчилар"нинг янги юлдузи душанба куни бўлиб ўтган "Вильярреал"га қарши Ла Лиганинг 1-тур учрашувида дебют қилди. 24 ёшли форвард 78-дақиқада 2:2 ҳисоби вақтида захирадан майдонга тушди.
"Хулиан аста-секин жамоага қўшилиб, жамоадошлари билан танишиб бормоқда. У ҳали ҳам бизнинг ўйин тизимимизга кўникиши керак. Умид қиламизки, у биз билан бирга ўзининг барча хислатларини ривожлантира олади", - деди Симеоне ўйиндан кейин испан ОАВларига берган интервьюсида.
