Лондоннинг "Арсенал" клуби "Эспаньол" дарвозабони Хоан Гарсияни сотиб олиш устида ишламоқда.
"Канонирлар" испаниялик футболчини трансфер ойнасининг сўнгги кунларида клубни тарк этиши мумкин бўлган Аарон Рэмсдейл ўрнига асосий номзод сифатида аниқлашди. Инсайдер Фабрицио Романонинг сўзларига кўра, "Арсенал" Гарсия билан оғзаки келишувга эришган. "Эспаньол" Англия грандининг 23 ёшли дарвозабонга қизиқишидан хабардор, бироқ ҳозирча трансфер бўйича расмий таклиф бўлгани йўқ. Битим тақдири бевосита Рэмсдейлнинг кетишига боғлиқ.
Хоан Гарсия “Эспаньол” сафида 30 та ўйинда майдонга тушиб, 21 та гол ўтказиб юборган.
