Londonning "Arsenal" klubi "Espanyol" darvozaboni Xoan Garsiyani sotib olish ustida ishlamoqda.
"Kanonirlar" ispaniyalik futbolchini transfer oynasining so‘nggi kunlarida klubni tark etishi mumkin bo‘lgan Aaron Remsdeyl o‘rniga asosiy nomzod sifatida aniqlashdi. Insayder Fabrisio Romanoning so‘zlariga ko‘ra, "Arsenal" Garsiya bilan og‘zaki kelishuvga erishgan. "Espanyol" Angliya grandining 23 yoshli darvozabonga qiziqishidan xabardor, biroq hozircha transfer bo‘yicha rasmiy taklif bo‘lgani yo‘q. Bitim taqdiri bevosita Remsdeylning ketishiga bog‘liq.
Xoan Garsiya “Espanyol” safida 30 ta o‘yinda maydonga tushib, 21 ta gol o‘tkazib yuborgan.
