"Вильярреал" ва "Болонья" клубларининг собиқ ҳужумкор ярим ҳимоячиси Роберто Сориано фаолиятини Италия Б сериясида давом эттиради. У ўтган мавсум охирида қуйи лигага тушиб кетган "Салернитана" таркибига қўшилди.
Сориано 33 ёшда, 2023 йилнинг ёзига қадар футболчи тўрт йил давомида "Болонья"да ўйнади, шундан сўнг у бир йил давомида эркин агент бўлди.
Аввалроқ “Бавария” тарбияланувчиси фаолиятида “Эмполи”, “Сампдория” ва “Вильярреал” ҳам бўлган.
Transfermarkt портали Италия терма жамоасининг собиқ футболчисини атиги 1 миллион еврога баҳоламоқда.
