"Барселона" ниҳоят янги ярим ҳимоячини сотиб олиш фикридан воз кечди.

Таянч зонасини мустаҳкамлаш узоқ вақтдан бери "кўк-анорранглилар" нинг устувор трансфер вазифаларидан бири ҳисобланган, аммо ёш Марк Бернал ва Марк Касадонинг ўйини клубни янги футболчилар билан шартнома имзолаш керак эмаслигига ишонтирди.

Журналист Рожер Тореллонинг ёзишича, “Барселона” ёзда янги таянч ярим ҳимоячиси билан шартнома имзоламасликка қарор қилган ва бунинг ўрнига ҳужумнинг чап қаноти ва ҳимоянинг ўнг томонини кучайтиришга эътибор қаратиш ниятида.