Грузия терма жамоаси ва "Валенсия" дарвозабони Гиорги Мамардашвили фаолиятини "Туманли Альбион"да давом эттиришга яқин турибди, дея хабар беради инсайдер Николо Скира ижтимоий тармоқлар орқали.
Манбанинг хабарига кўра, 23 ёшли дарвозабон билан "Ливерпуль" шартнома имзолайди. Мамардашвили мерсисайдликлар клуби билан муваффақиятли музокаралар олиб борди ва олти йиллик шартнома имзолашга рози бўлди. Transfermarkt портали футболчининг бозор нархини 45 миллион еврога баҳоламоқда. Унинг "кўршапалаклар" билан шартномаси 2027 йилнинг июнь ойи охиригача мўлжалланган.
