Ҳужумчи Криштиану Роналду Саудия Арабистони Суперкубоги финалида “Ал-Ҳилол”дан учралган мағлубиятдан жуда хафа бўлди.
Роналдунинг голидан кейин “Ан-Наср” танаффусда олдинга чиқди, аммо “Ал-Ҳилол” якунда 4:1 ҳисобида йирик ғалабага эришди.
Иккинчи бўлим давомида Роналду ўзига хос имо-ишора кўрсатиб, жамоани уйқучанликда айблади. Аммо “Ан-Наср” юлдузи ҳужумчиси бу ишораси учун эмас, медал олишдан бош тортгани учун жазоланиши мумкин.
Саудия Арабистонида маросимни ўтказиб юборганлик учун 20 минг риал (тахминан 4800 евро) миқдорида жарима бор, деб хабар бермоқда Goal портали.
