“Манчестер Юнайтед” вингери Жэйдон Санчо Европанинг бошқа топ-клубларининг радарида қолмоқда.
Англиялик футболчига асосий даъвогар ҳисобланган "ПСЖ" ҳеч қачон аниқ трансфер таклифи билан чиқмаган. Катта эҳтимол билан футболчи “қизил иблислар” сафида ўйнашда давом этади, аммо бозорда унга талаб ҳали ҳам мавжуд. Шу тариқа, Diario Sport хабарига кўра, "Барселона" спорт директори Деку Санчони Каталония грандлари сафига тортмоқчи. Муаммо 24 ёшли футболчининг юқори маошида бўлиб, "блауграна"лар буни тўлашга қодир эмас.
Transfermarkt портали Жэйдон Санчонинг нархини 30 миллион еврога баҳолаган.
