"Барселона" марказий ҳимоячиси Андреас Кристенсен жамоани тарк этиши мумкин.

Даниялик ҳар доим ҳам "блауграна"нинг асосий таркибида майдонга тушавермайди ва Ла Лиганинг биринчи турида "Валенсия" билан ўйинда (2:1) унинг ўйин вақти 27 дақиқа билан чекланди. Mundo Deportivo хабарига кўра, Кристенсен "Барселона"ни тарк этишини истисно қилмайди. 28 ёшли футболчи бошқа клубдан келган таклифни спорт ва иқтисодий жиҳатдан жозибадор бўлиб кўрса, қабул қилиши мумкин.

Андреас Кристенсен 2022 йилнинг ёзида "Челси"дан эркин агент сифатида "кўк-анорранглилар" сафига қўшилганди. Футболчининг каталонияликлар билан шартномаси 2026 йилнинг ўрталарига қадар тузилган.