"Манчестер Сити" ҳимоячиси Кайл Уолкер жамоасининг Премьер-лигадаги рақиблари ҳақида ўз фикрлари билан ўртоқлашди.
"Сити" кетма-кет тўрт марта Англия чемпионатида ғолиб чиқишга муваффақ бўлишди, бироқ Уолкернинг фикрича, бу муваффақиятларни оддий деб бўлмайди, чунки рақиблар жуда кучли.
"Кетма-кет тўрт марта... Ҳеч ким буни илгари қилмаган. Ҳамма тож биздан тортиб олинишини хоҳлайди. Биз бироз такаббурлик кўрсатишимиз керак, лекин айни пайтда камтар бўлишимиз зарур.
"Арсенал" аллақачон савия жиҳатидан жуда яқин, бошқа жамоалар ҳам етиб олишлари мумкин. “Ливерпуль” “Ипсвич”га қарши жуда яхши ўйнаганини кўрдим. Аммо биз амалдаги чемпионмиз ва умид қиламанки, чемпионликни сақлаб қоламиз", деди Уолкер.
