Илкай Гюндоган "Барселона"дан "Манчестер Сити"га қайтиш арафасида Англияга етиб келди.

Ярим ҳимоячи Манчестерда мухлисларга дастхат бераётганда камераларга тушиб қолди.

Гюндоган Пеп Гвардиолага тегишли TASTE ресторанидан чиқиб кетаётганида кўринди. У ерда футболчи "шаҳарликлар" устози билан учрашди - уларнинг суҳбати тахминан 50 дақиқа давом этди.

"Манчестер Сити" германияликнинг "Этиҳад" стадионига қайтиши олдидан Гюндоган билан келишувга эришди. Премьер-лига чемпиони Туркиянинг “Фенербахче” ва “Галатасарой” клубларини бу курашда ортда қолдирди.

Эслатиб ўтамиз, Гюндоган ўтган мавсумда "Сити"даги 7 йиллик фаолиятидан сўнг "Барселона"га кўчиб ўтганди.