Харри Кейн "Бавария" ва Англия терма жамоаси билан совринларни ютиш истагини билдирди.
- "Бавария"га ўтишингизга асосий сабаб нима бўлди?
– Мен доимо ўз олдимга ўз имкониятларимни яхшилаш, ривожлантириш ва кенгайтиришни мақсад қилиб қўйганман. Мен энг юқори савияда ўйнашни, Чемпионлар лигасида иштирок этишни ва совринлар учун курашишни хоҳлардим. "Бавария"га ўтганимдан сўнг мен буни амалга ошириш имкониятига эга бўлдим.
- Фаолиятингизда қандай чемпионликни қўлга киритишни хоҳлайсиз ва кейинги мавсумдаги мақсадингиз нима?
- Жамоа билан Бундеслига ва Чемпионлар лигасида ғолиб чиқишни орзу қиламан. Мен терма жамоа билан ҳам йирик турнирда ғалаба қозонишни истайман. Мавсумдаги мақсадим - иложи борича кўпроқ совринларни қўлга киритиш", - деди ҳужумчи "Бавария" болалар клуби саволларига жавоб берар экан.
