"Барселона" ўнг қанот ҳимоячиси Жоау Канселуни қайтариш борасида жиддий ўйламоқда.
"Блауграна" португалияликни "Манчестер Сити"дан қайта ижарага олмоқчи. 30 ёшли футболчининг атрофидагилар Саудия Арабистонидан фойдали таклиф бўлганига қарамай, Каталонияга қайтишни истисно қилишмаяпти. Журналист Виктор Наварронинг сўзларига кўра, "шаҳарликлар" ижара шартномасига сотиб олиш мажбуриятини киритишни талаб қилмоқда, "Барселона" эса танлаш имкониятига эга бўлишни хоҳлайди.
Ўтган мавсумда Жоау Канселу каталонияликлар сафида 42 та ўйин ўтказиб, 4 та гол ва 5 та голли узатмани амалга оширган.
