"Эвертон" "ПСЖ" футболчиси Карлос Солер учун курашга тайёр.
Парижликлар ёзги трансфер ойнаси ёпилгунига қадар испаниялик футболчи билан хайрлашиш ниятида. “Вест Хэм” узоқ вақтдан буён ярим ҳимоячига асосий давогар ҳисобланиб келган, аммо энди курашга Англия Премьер-лигасининг яна бир вакили “Эвертон” киришмоқда, дея хабар беради журналист Флориан Плеттенберг. "Ирислар" аллақачон "ПСЖ" билан боғланиб, эҳтимолий трансфер шартларини муҳокама қилишган.
Маълумотларга кўра, "ПСЖ" Карлос Солерни сотишдан тахминан 20 миллион евро ишлаб олишни кутмоқда. 27 ёшли футболчи парижлик грандлар сафида 63 та учрашувда 8 та гол урди ва шунча голли узатмани амалга оширди.
