Юртимиз шаҳарлари бўйлаб ўтказилаётган “Trophy Experience” тадбирининг 12-куни Жиззах шаҳрида кўтаринки руҳда ўтказилди. Ушбу тадбир мухлисларда улкан таассурот қолдирди.
Тадбир давомида Жаҳон кубоги оммага тақдим этилди. Ишқибозлар мундиал бош соврини билан суратга тушишди ва одатга айланган викторина ҳамда бошқа қизиқарли танловларда иштирок этиб, эсдалик совғаларини қўлга киритишди.
23-август куни тадбир Гулистон шаҳрида ўтказилиши режалаштирилган.
Эслатиб ўтамиз, ушбу мусобақа чипталари аллақачон сотувга чиқарилган ва уни www.futsal2024.uz сайти орқали харид қилиш мумкин.
