FourFourTwo портали журналистлари Англия Премьер-лигаси тарихидаги энг яхши ҳимоячилар рейтингини тақдим этди. Рўйхатда “Манчестер Юнайтед”нинг собиқ футболчиси Рио Фердинанд етакчилик қилди.
Иккинчи ўринни эса қанот ҳимоячиси Эшли Коул эгаллади, у узоқ вақт Лондоннинг “Челси” клубида ўйнаган. Кучли учликни “Ливерпуль” вакили Виржил ван Дейк якунлади. Жон Терри тўртинчи, Кайл Уокер эса бешинчи ўринни эгаллади.
Премьер-лиганинг энг яхши ўн нафар ҳимоячилари қаторига, шунингдек, Венсан Компани, Неманя Видич, Тони Адамс, Сол Кэмпбелл ва Гари Невилл ҳам кирди.
