Париждаги Олимпия ўйинларининг очилиш маросимида томошабинлардан бири ўтирган жойидан шоуни кўра олмаслигини айтиб, ташкилотчилардан ўзининг 1600 евролик чипта нархини қайтаришни талаб қилди.
Ouest France газетасининг ёзишича, Жан-Кристоф Сезнек исмли шахс Парижга очилиш маросимида шахсан иштирок этиш учун келган, бироқ ўз жойидан деярли ҳеч нарсани кўра олмаган. У чипта учун 1600 евро тўлаган эди.
“Мен ҳеч қандай шоу кўрмадим: мен фақат узоқда, қоронғуда, ёруғликсиз ва безаксиз сузиб юрган қайиқларни кўрдим.
Мен кўприклар ёки қирғоқларда ҳеч қандай раққоса ёки чиқишларни кўрмадим. Энди бу жуда катта ёлғон эканлигини ҳис қиляпман...
Энди мен чиптам учун пулни қайтариб олишни хоҳлайман", - деди мухлис.
