Сенегаллик ҳимоячи Микаил Файе "Барселона" жамоасини тарк этишга яқин турибди, дея хабар беради инсайдер Фабрицио Романо ижтимоий тармоқлар орқали.
Журналистнинг фикрича, африкалик футболчи фаолиятини Франция чемпионатида давом эттиради. Файе "Ренн" билан шартнома имзолайди. Трансфер суммаси 12 миллион еврони ташкил этади, шунингдек, тўрт миллион миқдоридаги бонуслар ҳам ўз ичига олади.
Бугун, 23 август куни ҳимоячи Францияга жўнаб кетади. Романонинг таъкидлашича, "кўк-анорранглилар" футболчини бир йилдан кейин 35 миллион еврога, икки йилдан кейин эса 40 миллионга қайтариб сотиб олиш ҳуқуқини сақлаб қолган.
