«ПСЖ» марказий ҳимоячиси Милан Шкриньяр фаолиятини бошқа топ-клубда давом эттириши мумин.

Словакиялик футболчи парижликлар устози Луис Энрикенинг режаларига киритилмаган. 29 ёшли футболчи аллақачон таркибдан туширилган ва агар таклифлар келиб тушса, клуб у билан хайрлашиш ниятида. "Le Parisen" хабарига кўра, «Бавария» ва «Ювентус» вазиятни диққат билан кузатиб бормоқда. Мюнхен ва Турин ёзги трансфер ойнасининг сўнгги кунларида «Интер»нинг собиқ юлдузи учун музокараларни бошлашлари мумкин.

"Transfermarkt" маълумотларига кўра, Милан Шкриньярнинг нархи 30 миллион еврони ташкил қилади. Марказий ҳимоячининг «ПСЖ» билан шартномаси 2028 йилнинг ўрталарига қадар амал қилади.