"Реал" ва "Бавария"нинг собиқ ярим ҳимоячиси, колумбиялик Хамес Родригес Мадридга қайтди ва у ерда тез орада "Райо Вальекано" билан шартнома имзолаши мумкин, деб хабар бермоқда Marca.

Эслатиб ўтамиз, футболчи сўнгги мавсумни “Сан-Паулу”да ўтказган ва у билан август ойи бошида шартномани бекор қилган ва бу қарорини Европага қайтиш ва юқори савияда ўйнаш истаги билан асослаган эди.

Манба берган хабарга кўра, "Райо Вальекано" Хамеснинг қўлга киритилишини клубнинг бу йилги юз йиллик юбилейига ўз мухлисларига асосий совға сифатида кўрмоқда.

Унинг маоши "ташқи инъекция" орқали таъминланиши айтилмоқда. Колумбияликнинг ўзи Мадридда яшаш имкониятини иштиёқ билан кўриб чиқмоқда.