"Манчестер Сити" ярим ҳимоячиси Илкай Гюндоган ўзи йўқлигида жамоа ўйинида юз берган ўзгаришлар ҳақида гапирди.
Немис футболчиси 2022/23 йилги мавсум якунида эркин агент сифатида “шаҳарликлар”ни тарк этди. Ярим ҳимоячи "Барселона"да бир йил ўтказганидан сўнг яна "Манчестер Сити"га қайтди.
"Мен Пеп билан қисқача суҳбатлашдим ва у менга жамоанинг бир нечта видеоларини кўрсатди, чунки у мен кетганимдан кейин баъзи ўзгаришлар қилган эди. Умид қиламанки, янги талабларга имкон қадар тезроқ мослаша оламан. Мен ўзимни жуда ишончли ҳис қиляпман, қийинчиликка дош беришга тайёрман. Кўрамиз, менинг ролим қандай бўлади", - дея Гюндогандан иқтибос келтиради City Xtra.
