"Милан" бош мураббийи Пауло Фонсека жамоасининг А Сериянинг 2-турида "Парма"дан учралган мағлубияти (1:2) ҳақида фикр билдирди.
"Россонерилар" иккинчи дақиқадаёқ гол ўтказиб юборди, бунга фақат 66-дақиқада жавоб топди - Кристиан Пулишич ҳисобни тенглаштирди. Мезбонлар дуранг билан кифояланишмади ва 77-дақиқада Маттео Канчельерининг аниқ зарбаси эвазига уч очкони тортиб олишга муваффақ бўлишди.
“Мен хафаман. Ҳимоядаги муваффақиятсизликларимизни изоҳлаш қийин. Ҳимояда муаммоларимиз борлиги аниқ. "Парма"га ҳужум қилиш жуда осон эди. Мен шунчаки ҳимоячиларимизнинг ҳаракатлари ҳақида гапирмаяпман – биз бутун жамоанинг тўпсиз ўйини, ҳимоядаги жамоавий ва индивидуал ўйин ҳақида гапиряпмиз.
Мен масъулиятни ўз зиммамга оламан, аммо ҳимояда муаммолар борлигини тан олишимиз керак", - деди Фонсека ўйиндан кейинги матбуот анжуманида.
