"Манчестер Сити" марказий ҳужумчиси Эрлинг Холанд германиялик ярим ҳимоячи Илкай Гюндоганнинг жамоага қайтиши ҳақида фикр билдирди. 33 ёшли футболчи “шаҳарликлар” билан бир йиллик шартнома имзолади.
"Бу ақл бовар қилмайдиган иш бўлди. Гюндоганнинг "Манчестер Сити"га қайтгани ажойиб. Илкай ажойиб футболчи, буни ҳамма анчадан бери билади. Мен у билан яна ўйнашни интиқлик билан кутаман", - дея скандинавиялик тўпурарнинг сўзларини келтиради "шаҳарликлар" матбуот хизмати.
Гюндоган 2016 йилдан 2023 йилгача "Манчестер Сити"да ўйнаган. Ярим ҳимоячи ўтган мавсумни "Барселона"да ўтказди. Премьер-лиганинг иккита ўйинидан сўнг, "шаҳарликлар" турнир жадвалида биринчи ўринда бормоқда.
