"Реал Мадрид"нинг янги юлдузи Килиан Мбаппе "Сантьяго Бернабеу"даги дебют учрашувидан сўнг ўз ҳис-туйғулари билан ўртоқлашди.
“Лос-Бланкос” “Вальядолид” устидан йирик 3:0 ҳисобида ғалаба қозонди, француз ўйинда гол уролмади.
“Ажойиб лаҳза, мен ушбу стадионда дебют ўйинимни ўтказганимдан хурсандман. Биз ғалаба қозондик, ажойиб оқшом бўлди. Мен трибунадан ажойиб қўллаб-қувватлашни ҳис қилдим. Ушбу дақиқа учун барчангизга раҳмат. Бундай аренада ўйнаш - орзу", - дея хабар беради "Лос-Бланкос" матбуот хизмати 25 ёшли ҳужумчининг сўзларини.
Мбаппе шу ёзда "Реал"га эркин агент сифатида ўтди. Форвард Мадридликлар билан узоқ муддатли шартнома имзолади.
