"Наполи" ҳужумчиси Виктор Осимхеннинг агенти Роберто Календа мижози фаолиятини Саудия Арабистонида давом эттириши мумкинлиги ҳақидаги миш-мишлар юзасидан баёнот берди.
Агентнинг таъкидлашича, форвард Италия жамоаси футболчиси бўлиб, яқинда томонларнинг ўзаро қарорига кўра у билан шартнома узайтирилган.
"У янги ўйинчиларга жой бўшатиш учун юбориладиган пакет эмас. Виктор Африкада йилнинг энг яхши футболчиси деб топилди, “Олтин тўп” номинациясида саккизинчи ўринни эгаллади ва у Европада ҳали кўп иш қилиши керак”, — дея ижтимоий тармоқда Календа сўзларини келтиради журналист Бен Жейкобс.
Аввалроқ ОАВда “Наполи” ва “Ал Аҳли” 65 миллион евро эвазига трансфер бўйича келишиб олгани ҳақида хабарлар тарқалган эди.
