"Napoli" hujumchisi Viktor Osimxenning agenti Roberto Kalenda mijozi faoliyatini Saudiya Arabistonida davom ettirishi mumkinligi haqidagi mish-mishlar yuzasidan bayonot berdi.
Agentning ta’kidlashicha, forvard Italiya jamoasi futbolchisi bo‘lib, yaqinda tomonlarning o‘zaro qaroriga ko‘ra u bilan shartnoma uzaytirilgan.
"U yangi o‘yinchilarga joy bo‘shatish uchun yuboriladigan paket emas. Viktor Afrikada yilning eng yaxshi futbolchisi deb topildi, “Oltin to‘p” nominasiyasida sakkizinchi o‘rinni egalladi va u Yevropada hali ko‘p ish qilishi kerak”, — deya ijtimoiy tarmoqda Kalenda so‘zlarini keltiradi jurnalist Ben Jeykobs.
Avvalroq OAVda “Napoli” va “Al Ahli” 65 million yevro evaziga transfer bo‘yicha kelishib olgani haqida xabarlar tarqalgan edi.
