Хуан Искьердо Сан-Паулудаги касалхонада оғир аҳволда.
Аввалроқ, 27 ёшли "Насьонал" ҳимоячиси Либертадорес кубоги 1/8 финали доирасидаги бразилиялик "Сан-Паулу"га қарши жавоб ўйинида (0:2) ҳушини йўқотиб, шифохонага ётқизилгани ҳақида хабар берилганди.
Душанба куни Хуан Искьердо олиб кетилган Бразилия касалхонаси шифокорлари футболчи реанимацияда ва сунъий хаво бериш аппаратига уланганлиги ҳақида хабар беришди.
Шунингдек, Искьердода "миянинг прогрессив шикастланиши ва интракраниал босимнинг ошиши" борлиги, шифокорлар буни ҳаёт учун хавфли ҳолат деб ҳисоблашлари хабар қилинган.
Уругвай терма жамоасининг собиқ сардори Диего Лугано душанба куни Искьердо даволанаётган шифохонага ташриф буюрди, аммо журналистлар билан гаплашмади.
Уругвай ОАВларининг хабар беришича, Искьердонинг ота-онаси, унинг рафиқаси ва икки ёшли қизи "Насьионал" раҳбарияти билан бирга Сан-Паулудаги касалхонада.
