Икки топ-клуб келаси ёзда Флориан Виртцни ўз сафига қўшиб олмоқчи.

"Relevo" хабарига кўра, «Бавария» германиялик ярим ҳимоячини 2025 йилнинг ёзида сотиб олиш учун «Реал» билан рақобатлашади.

Манбага кўра, келаси йили «Бавария» раҳбарияти Вирцни клубга олиб келиш учун барча имкониятларни ишга солади.

«Реал» ҳам ярим ҳимоячини олмоқчи, аммо бунинг учун Бланкоснинг сўнгги йиллардаги сиёсатига кўра, футболчи бошқа даъвогарларни рад этиб, Мадрид клубига ўтишни исташи керак. «Реал Мадрид» музокараларни аукционга айлантирмоқчи эмас.

Виртцнинг бошланғич баҳоси 120 миллион еврони ташкил қилади, аммо «Байер» футболчини ўзида сақлаб қолишни хоҳлаётганини яширмайди. Унинг Германия чемпиони билан шартномаси 2027 йилгача мўлжалланган.