Европа лигаси ярим финалининг «Базель» ва «Челси» жамоалари ўртасидаги учрашуви ўз ниҳойсига етди.
Ўйинда меҳмонлар футболчиси Мозес ҳисобни очди. Қанотдан етказиб берилган тўпни нигерилялик ҳужумчи бош билан дарвоза тўрига жойлаб қўйди.
Ўйиннинг катта қисмида ана шу гол Лондон жамоасига устунлик олиб келаётган эди, лекин 88-дақиқага келиб «Челси» футболчилари рақиб футболчисини жарима майдончаси ичида қўполлик билан тўхтатиб қолишди. Белгиланган пенальтини Шёр аниқ амалга оширди ва ҳисобни тенглаштирди.
Ўйин шундай ҳисоб билан тугайди деб турганимизда эса катта саҳнага «Челси» ҳимоячиси Давид Луис чиқди. Ҳакам томонидан ўйинга қўшиб берилган 4-дақиқада Луис жарима зарбасини маҳорат билан амалга оширди ва жамоаснининг ғалабасини таъминлади.
Европа лигаси
1/2 финал
Биринчи ўйин
Базель (Швейцария) – Челси (Англия) 1:2 (1:0)
Голлар: Мозес (12), Шёр (87, пенальти), Давид Луиз (90+4).
Базель: Зоммер, Ф. Деген, Шёр, Драгович, Пак Чжу Хо, Ф. Фрай, Эль-Ненни (Зуа, 65), Ди (Диас, 61), Сала (Д. Деген, 78), Штокер, Штреллер.
Челси: Чех, Аспиликуэта, Иванович, Терри, Э. Коул, Давид Луиз, Рамирес, Лэмпард (Оскар, 79), Э. Азар (Мата, 71), Мозес, Торрес.
Огоҳлантиришлар: Э. Коул (69), Драгович (70), Д. Деген (81), Давид Луиз (83), Шер (89).
