Уругвай терма жамоасининг беш нафар футболчиси Колумбия терма жамоаси мухлислари билан муштлашгани учун дисквалификация қилинди, деб хабар беради ESPN нашри.
Дарвин Нуньес терма жамоанинг КАНМЕБОЛ шафелигидаги кейинги 5 та ўйинида иштирок эта олмайди ва 20 минг доллар, Родриго Бентанкур 4 ва 16 минг доллар жарима тўлайди. Хосе Мария Хименес, Матиас Оливера ва Рональд Араухо учта ўйинга дисквалификация ва ҳар бири 12 минг доллардан жаримага тортилди.
Эслатиб ўтамиз, жанжал Америка Кубоги-2024 яримфиналидан ўрин олган Уругвай – Колумбия (0:1) ўйинидан сўнг юзага келганди. Уругвайлик футболчилар вазиятни тартибга солиш учун трибунадаги колумбиялик мухлислар олдига югуриб, ҳужумчи Нуньес бошчилигидаги курашни бошлашди. Кейинчалик футболчилар ўзларининг тажовузкорликларини стадионда бўлган мухлисларнинг оилаларига ҳужум қилишлари билан изоҳладилар.
