Сўнгги пайтларда "Манчестер Юнайтед" вингери Жейдон Санчога Италиянинг "Ювентус" клуби қизиқиш билдирмоқда.
La Gazzetta dello Sport ўз саҳифаларида хабар беришича, Турин клуби 24 ёшли Санчо бўйича музокараларни давом эттирмоқда. Боз устига, ушбу трансферни амалга ошириш учун "кекса синьора" яна икки футболчини – ярим ҳимоячи Артур Мело ва вингер Филип Костични сотиши керак.
Қайд этилишича, "Манчестер Юнайтед" Санчонинг ижара шартномасида 2025 йилнинг ёзида мажбурий сотиб олиш варианти бўлишини истамоқда. Шу билан бирга, "қизил иблислар" музокаралар жараёни якунларига кўра, бундай имкониятсиз ижарага рози бўлишлари мумкин.
