Ҳимоячи Рик Карсдорп «Рома»ни тарк этди. А Серия клуби ўзининг расмий сайти орқали футболчи билан шартномани бекор қилиш бўйича келишувга эришганини маълум қилди. "Бўрилар" 29 ёшли нидерландиялик футболчига қўшган ҳиссаси учун миннатдорчилик билдириб, келгусида муваффақиятлар тилади.
“Рома мухлисларига бу ерда ўтказган мавсумларим учун раҳмат айтмоқчиман. Мен ҳар доим боримни бердим, иккала фарзандим ҳам Римда туғилган. Бу мени жуда фахрлантиради. "Рома" хайр”, - дейди Карсдорп.
Рик Карсдорп «Рома» сафида 157 та расмий ўйин ўтказиб, битта гол урган ва жамоадошларига 16 та голли узатма берган.
