Ёзда бўлиб ўтган Европа чемпионатидан сўнг Криштиану Роналду Португалия терма жамоасидаги фаолиятини якунлаши мумкинлиги ҳақида гап-сўзлар тарқалди. Бироқ 39 ёшли юлдуз форвард ҳали халқаро миқёсдаги ўйинни тўхтатишни режалаштирмаяпти. Шу тариқа, Роналду Португалия терма жамоасига сентябрь ойидаги йиғинга чақирилган футболчилар рўйхатидан жой олди.
Эслатиб ўтамиз, келаси ой Португалия терма жамоаси Миллатлар лигасининг янги мавсуми доирасида иккита ўйин ўтказади. Роберто Мартинес шогирдлари Хорватия (5 сентябрь) ва Шотландия (8 сентябрь) термаларига қарши баҳс олиб боради. "Европа Бразилияси" учун иккала ўйин ҳам ўз майдонида бўлади.
