Ярим ҳимоячи Карлос Солер клубини ўзгартиришга яқинлашмоқда. Нуфузли инсайдер Фабрицио Романонинг ижтимоий тармоқларда хабар беришича, "Вест Хэм" 27 ёшли испаниялик футболчи учун "ПСЖ" билан музокараларни давом эттирмоқда.
Қайд этилишича, Солернинг ўзи "Вест Хэм"га ўтмоқчи. Ярим ҳимоячи аллақачон Лондон клуби билан шахсий шартномаси шартларини келишиб олган.
Карлос Солер "ПСЖ"да 2022 йилнинг сентябридан бери ўйнаб келмоқда. Бу вақт ичида ярим ҳимоячи 63 та расмий ўйинда қатнашиб, ўз ҳисобига 8 та гол урди ва шерикларига 8 та голли узатмани амалга оширди.
